Заз дидедин рикl акуна,
Бала патал ч1ехи тир ам.
Тlебиатдин гьава хьтин,
Гьар чlавал гьар жуьре тир ам.
Цlуд тупlални зегьмет чlугваз,
Хиялрин дем пата авай.
Рикlин къене гьар баладиз,
Къулай мягькем чка авай.
Баладин гьар камуникай,
Хранвай гам кьилик квай.
Сад Аллагьди хуьрай лугьуз,
Балад суьрет вилик квай.
Заз дидедин рикl акуна,
Цlаяри куз гум тавуна.
Накъваривди цlай туьхуьриз,
Чандикайни лум авуна.
Балад чинал хъвер хьайила,
Руьгьдиз михьиз рагъ язавай.
Тlарвал хьана пер хайила,
Рикlин кьилиз чlагъ язавай.
Лампа хьтин чуьлдал алай,
Зурзазвай рик1 къай атайла.
Дуьайрикай къав ийизвай,
Балад кьилел цlай атайла.
Заз дидедин рикl акуна,
Кlанивилив ацlанавай.
Мичlи цавуз экуь варз хьиз,
Балад кьилив атанавай.
Къуй дуьньяда гьар дидедин,
Гъарикl рикlе эркинвал хьуй.
Балайрикай рикl динж хьана,
Назик рикlе секинвал хьуй !
Секина. Дидедин рик1
© Copyright: Магомед Мирзоев Мирзой, 2025
Свидетельство о публикации №125120109343
Свидетельство о публикации №125120109343
Рецензии