Рагъ алай югъ шадвал я заз,
Рагъ аватна гуьрчег акваз.
Нурлу акваз чилер,цавар,
Зазни к!анда,вацран эквер.
Сувдин къайи шагьвар к!анда,
Шагьвар к!анда гатун вацра.
Гьуьлуьн шагьвар зазни к!анда,
Заз секинвал,илгьам гузва.
Багъда авай къизилгуьлер,
Ваз гуда за чан гуьзел яр.
И дуьньядал хъсанвал к!анда,
Гьуьрмет-хатур хвена к!анда.
Чи к!анивал фенач яргъал,
Вири элдиз хьанва ашкара.
Чи арада акъатна къал,
Вучиз вуна,ик! авуна.
Жегьил чан зи кабаб хьана,
Вуч себеб яз,зав къакъатна.
За ваз писвал авурди туш,
Гъавурда гьахь чан гуьзел руш.
Дугъри инсан язва Мурад,
Туьнт хьайила жедач секин.
Зи сефил рик! т!ар мийир мад,
Шад хабар гъваш,на заз инсан.
Мурад Тагирбеков
30.09.2024 йис
Гуьзел яр
© Copyright: Мурад Тагирбеков 2, 2025
Свидетельство о публикации №125113000308
Свидетельство о публикации №125113000308
Рецензии