Лацу перем алай руш хьиз,
Кьуьд агакьна атана чаз.
Вили цава лув гуз къуш хьиз,
Живед пилтеяр гъана чаз.
Секин ахварал ракъурна чил,
Хъуьт1уь вичин мани яда.
Аса кьуна юзуриз гъил,
Чилел живед яргъан эк1яда.
Куьруь йикъар,яргъи йифер,
Лап акваз-такваз акъатда .
Кьец1ил хьайи тарци хилер,
Къаярикай фад галатда.
Уьмуьрдани йикъар жеда,
Къайи ,мекьи гарар авай.
Хъуьт1уьн гвянай гатфар жеда ,
Лап чими ракъар авай.
Кьуьд
© Copyright: Роза Белая 777, 2025
Свидетельство о публикации №125112908258
Свидетельство о публикации №125112908258
Рецензии