Мінула 5 гадоў, а мне,
Здаецца ўсё было як учора:
Няўдала кінуты сняжок,
Шпацыры ў начы, размовы...
Я сумнявалася, але,
Памылкі ў гэтым не было.
Я ўдзячная, што неяк змог
Зрабіць, каб сэрца заныло.
Магчыма хтосьці ў нас не верыў,
Не бачыў разам быць прычыны.
А я табе магу даверыць
Здаецца ўсё, і больш магчыма.
Калі ты побач, так спакойна!
І адпадаюць усе пытанні.
Ты даў мне адчуванне дома
І тое самае каханне.
Усё што так патрэбна мне
У табе ёсць. Больш не шукаю.
Мая сям'я - дзяўчынкі дзве,
І ты, якого так кахаю.
2024 г.
Радкi для любага
© Copyright: Елена Ганцевич, 2025
Свидетельство о публикации №125112904170
Свидетельство о публикации №125112904170
Рецензии