Къ бла Дж тюйюшселе,
Къыджыраб башлайла,
Ш бла Къ тюбешселе,
Шыкъыртсыз атлайла.
Ш Б-гъа ичги сёзюн
Шыбырдаб айтады
Д-ны Б кёрсе кёзю-
Дыбылдаб къайтады
Г бла Р гыр-гыр эте
Гырджындан къабалла
Х Р-ны сюрюб джете,
Хырылдаб чабалла,
Т бла Л тылы джая,
Д бла Р дырын джыя,
Къ Нг-гъа къынгыр къарай,
Н бла Гъ ныгъыш сакълай,
Дж Гъ-ны джыгъыб кете,
Гъ бла Р гъыр-мыр эте,
Бирем-бирем болсала, тюйюшюб турадыла
Бир тизгинде турсала- алфавит боладыла.
Харифлени болумлары
© Copyright: Мёлек Хубий, 2025
Свидетельство о публикации №125112707562
Свидетельство о публикации №125112707562
Рецензии