,,***
Къванцел мад къван эцигайт1а, к1вал жеда,
Гьайиф рик1ел эцигайт1а, т1ал жеда.
Гьар гаф вуна рик1яй гъал хьиз ч1угурт1а,
Маса рик1из тагьсир гудай ч1ал жеда.
Накъвадихъ нагъв– накъварикай шел жеда,
Чаради гьич, багъридакай хъел жеда.
К1амарикай, ст1ал-ст1ал к1ват1 хьайи,
Гурлу вац1ар ац1урдай туьнт сел жеда.
Дертинал дерт– рик1 дердерин к1ват1 жеда,
Дерт хьайила пак хиялар кьат1 жеда.
Гьикьван вуна ч1угурт1ани зегьметар,
Къадирсуздаз ви къуьлуьн фуъ ч1ат1 жеда.
Гъам туькьуьл я, накъварни гьак1 уьк1уь я,
Бенде патал шегьре рехъни гуьт1уь я.
Гьар сад анжах шезва вичин бахтунихъ,
Гьардаз анжах са вичин дерт ч1ехи я.
***
© Copyright: Тамила Хуршидова Салманова, 2025
Свидетельство о публикации №125112606091
Свидетельство о публикации №125112606091
Рецензии