Хъсанвал алатдач рик1елай ,
Ери я дат1ана виневай.
Зар фидач , алахьдач мецелай,
Ширин гаф рахайдан, сивевай.
Куьмек гун чи къанун ,чи адет.
Рик1елай физва ам бязидан ,
Квевай за къачуна и хесет,
Уьмуьрлух тарс хьана ч1ехидан.
Куь гъилин ктабар чешмеяр,
Булахар гьамгадин яд авай .
Куь крар чаз даим чешне я,
Устаддин,камалдин чад авай !
Тарихар галк1урун пакадихъ,
Къаст я ам Фейзудин бубадин
Къула ц1ай, чимивал акадихъ,
Гьар са лезги хуьруьн-убадин !
Тарс
© Copyright: Тамила Хуршидова Салманова, 2025
Свидетельство о публикации №125112606083
Свидетельство о публикации №125112606083
Рецензии
