Хъсан ксар каинатда т1имил я,
Алчахарни пара хьанва дуьньяда.
Лайихлу,вик1егь ксар т1имил я,
Дугъри ксарни дуьньяда лап т1имил я.
Гьуьрмет амач гъвеч1идазни-ч1ехидаз,
Гьуьрмет амач акьуллудаз-дугъридаз.
Гьуьрмет амач зегьметчидиз-лайихдаз,
Я инсанар Аллагьдихъай кич1е хьухь.
Пул паталди диде-буба маса гуз,
Пул паталди мукьва-кьили маса гуз.
Пул паталди дин-адетар маса гуз,
Я инсанар Аллагьдикай кич1е хьухь.
Къияматд югъ мукьвал жезва инсанар,
Аллагьдикай кич1е тушни квез инсанар.
Къияматд юкъуз четин жеда квез инсанар,
Гъавурда гьахъ,гьар са кардиз инсанар.
Дуьньядани хьанва гзаф хаинар,
Хаиндикай са ч1авузни дуст кьамир.
Алчахдикай хъсан к1или жедайд туш,
Гьамишанда фагьум ая,инсанар.
Мурадан гафар гъахълубур я гьамиша,
Лайих касдиз гьахъвал к1ан я гьамиша.
Мурад вични дугъри кас я гьамиша,
Гьуьрмет-хатур ийиз к1андай кас я зун.
Мурад Тагирбеков
29.01.2025 йис.
Т1имил я
© Copyright: Мурад Тагирбеков 2, 2025
Свидетельство о публикации №125112109331
Свидетельство о публикации №125112109331
Рецензии