Ричал дереда са хуьр ава,
А хуьруьн т1вар язва Цнал.
Ричал-судин ятар ава,
Берекатдин хуьр я,Цнал .
Гьар са емиш багълар ава ,
Гьар са сала майва ава.
Гьар са касдиз хеб-мал ава,
Берекатдин хуьр я,Цнал.
Дагъдин кьезил михьи гьава,
Къайи булахар пара ава.
Чуьллер,вац1ар,мадни ава,
Берекатдин хуьр я,Цнал.
Кьегьал-рухваяр акъатай хуьр,
Гуьрчег рушар акъатай хуьр.
Лайихлу ксар акъатай хуьр.
Такабурлу хуьр я чи,Цнал.
Мурад Тагирбеков
08.09.2025 йис.
Цнал Хив район
© Copyright: Мурад Тагирбеков 2, 2025
Свидетельство о публикации №125112109140
Свидетельство о публикации №125112109140
Рецензии