Лезгистанда са рагъ я вун,
Дагъустанда чирагъ я вун.
Куьре патан са рагъ я вун,
Чи дагъларин дамах,Гелхен.
Гуьзел дагълар авазва квез,
Вац; ава квез гьамга хьтин.
Гуьзел муьгъвер авазва квез,
Лезгистандин дамах,Гелхен.
Яйлахар,чуьллер ава квез,
Булахарни авазва квез.
Хипер-малар авазва квез,
Берекатдин хуьр я,Гелхен.
Шаирарни акъатай хуьр,
Дин-эгьлияр акъатай хуьр.
Духтурарни акъатай хуьр,
Кьегьал ксарин хуьр я,Гелхен.
Мурад Тагирбеков
15.06.2025 йис
Гелхен
© Copyright: Мурад Тагирбеков 2, 2025
Свидетельство о публикации №125112109068
Свидетельство о публикации №125112109068
Рецензии