За вал дамах ийизва,
Ви женг рикlел хкизва.
Кьегьал лезги яз чизва,
Муьшкуьрви Гьажи-Давуд!
Акьулдиз на ганач каш,
Алчахриз на ягъна лаш.
Шагь-дагъдин алмасдин къаш,
Муьшкуьрви Гьажи -Давуд!
Ширван хкажай вине,
Дедал хуьр хьанай бине.
Лезгияр туна кlвенкlе,
Муьшкуьрви Гьажи -Давуд!
Даях хьайи чи чилиз,
Чун ава тарих чириз.
Ви ирс кьазва за ириз,
Муьшкуьрви Гьажи-Дауд.
Ширвандин пачагь хьайи,
Лезгийриз панагь хьайи.
Мусурманриз даях хьайи,
Муьшкуьрви Гьажи-Давуд!
Къазанмишай азадвал,
На багъишнай чаз садвал.
Рикlе хуьда, гваз шадвал,
Муьшкуьрви Гьажи-Давуд!
Мурад Тагирбеков
15.12.2022 йис
Гьажи Давуд
© Copyright: Мурад Тагирбеков 2, 2025
Свидетельство о публикации №125112108981
Свидетельство о публикации №125112108981
Рецензии