***
Не хачу чытаць пустыя вершы
І пісаць пустыя не хачу.
Ліст апошні, замаразак першы.
З лістападам разам я маўчу.
Я і так сказаў ужо даволі.
Вольны вецер скалане сасну
І ляціць хутчэй за лес у поле,
Быццам я – у марах – у вясну.
Ліст апошні. Замаразак першы.
Не хачу ні з кім я гаварыць.
Лістапад гартае свае вершы,
Каб хоць слова з іх мне падарыць.
13. 11. 2025 г.
Не хачу чытаць пустыя вершы...
© Copyright: Юрий Боровицкий, 2025
Свидетельство о публикации №125111303423
Свидетельство о публикации №125111303423
Рецензии