Халодна тут і мулка.
Занадта шмат вады.
Асіны стогнуць гулка.
Ты не прыходзь сюды.
На падваконне свечку
Увечары пастаў
І дроў падкінь у печку.
Не трэба смачных страў.
Прыйду ўночы ў госці,
Ля печкі пасяджу,
Пагрэю свае косці,
На хату пагляджу.
Над свечкай не нудзіся.
Карысці з той нуды!
Як добра, што сустрэліся
З табой мы на Дзяды.
P.S. Oleg Sovothy: https://suno.com/s/1MhUtjQngdvhMOS3
На Дзяды
© Copyright: Ивета Витко, 2025
Свидетельство о публикации №125110901542
Свидетельство о публикации №125110901542
Рецензии