Жыве з надзеяй чалавек.
Жыве, калі наўкол зіма
Завеяй белаю плыве,
Сляды да хатаў замяла.
Надзея мой народ вядзе
Па шляху дзён да перамог.
Яна вітае новы дзень,
Адагравае мёрзлы мох.
Яна з-пад кожнае страхі
Вітае ластаўкай вясну.
Жыць без яе -- спазнаць грахі,
Не бачыць дзён зямных красу.
Надзея -- гэта рухавік,
Што кліча нас да новых дзей.
Пакуль яна цячэ ў крыві --
Мы саграваем сэрцам дзень.
Надзея
© Copyright: Валерий Познякевич, 2025
Свидетельство о публикации №125110406150
Свидетельство о публикации №125110406150
Рецензии