Вуч я абур буй-бухахдин, вичихъ са к1ус сир тахьайла,
Я лугьудай, я ийидай кеспини кар чир тахьайла,
Са жизви кьван вилерикай, дегьне авай вир тахьайла,
Вуч я абур буй-бухахдин, садазни ам п1ир тахьайла?
Ич1и абур цур я усал, къизилдин яд алтаднавай,
Ич1и гафар, ич1и ц1арар, буш келледи баяднавай,
Кьур акъатай къумлух чуьллер, къерех ц1алц1ам абаднавай.
Вуч я абур буй-бухахдин, вичихъ са к1ус сир тахьайла?
Вуч я абур буй-бухахдин, п1узаррал хуш кун тахьайт1а,
Гъейридан рик1 ашкъи себеб са к1ус кьван къазун тахьайт1а,
Бахчадавай таза къелем гьисервай дугун тахьайт1а,
Вуч я абур буй-бухахдин, садазни ам п1ир тахьайт1а?
Вуч я абур буй-бухахдин
© Copyright: Магомед Мирзоев Мирзой, 2025
Свидетельство о публикации №125102908670
Свидетельство о публикации №125102908670
Рецензии