Кружыў Анёл у небе ясным,
Абараняў людскі спакой.
Свяціла сонейка ўсім шчасным,
І, узнімала дзень зарой.
Вітаюцца штодня суседзі
Гаворкай беларускай тут;
Вядуць шыкоўныя бяседы
Пра справы і пра родны кут.
Пісьменнік - сын палёў Палесся -
Усім сэрцам славіць любы край,
Палеткі, хаткі ля ўзлеску,
І, гаманок птушыных зграй.
Зашмат прайшло ўжо гадочкаў,
Але гарыць у вачах цяпло
Да родных лоз, што ўзбоч, радочкам,
Схіляюць голляў хараство.
Шчыміць ля сэрца ў час расстання.
Анёл сумуе над зямлёй,
Чакае новага спаткання,
Шлях бласлаўляе дабрынёй!
30.08.2025
СябруГУМ
© Copyright: Вера Стасенко, 2025
Свидетельство о публикации №125102907994
Свидетельство о публикации №125102907994
Рецензии