***
Жывапісцу-рэалісту
Ігару Антонавічу Бархаткову
Мяккі кастрычнік. Вецер паўднёвы.
Цёмна-зялёны ў градзе сельдэрэй.
Жоўтыя белых бярозак галовы.
Рэдкія крокі знаёмых людзей.
Толькі чарэшні ўжо скінулі лодкі
Вохрана-ржавых падоўжных лістоў.
Мяккі кастрычнік. І дзень мой кароткі.
Верш з папярэчных сустрэчных мне слоў.
Вецер паўднёвы. Мяккі кастрычнік.
Горкай каліны пад вокнамі куст
Хату маю сцеражэ, пагранічнік.
Чырвань яго мне заўсёды пад густ.
Мяккі кастрычнік. Вецер паўднёвы.
Можна капусту яшчэ й не зразаць.
Ціха складаю ля лазні я дровы,
Некалі пафасных слоў мне шукаць.
24. 10. 2025 г.
Мяккi кастрычнiк. Вецер пауднёвы...
© Copyright: Юрий Боровицкий, 2025
Свидетельство о публикации №125102404099
Свидетельство о публикации №125102404099
Рецензии