Гъил къачу варз: икьван гагьда ви гьалдикай хабар хьанач
Йисар физва йигиндаказ, нефсинихъни кьадар хьанач.
Са зат1ни туш инсандин чан, са ч1авузни пайгар хьанач,
Кинар ая нураривди, завайни гил ахвар хьанач.
За вуч лугьун, са эрзиман сунадал зун гьейран хьана,
Са себебни жугъун тийиз багьнадив, зун лишан хьана,
Ялавди кьур хьелеривди ифинайди зи чан хьана,
Муьгьуьбатдиз табий хьана, беденни мад юзар хьанач.
Дерин гьуьлуьн сирдив ац1ай юкьва ава, есир хьтин,
Гьейран хьайи бенде, вичел желб ийизва, фагъир хьтин.
Къуьнелайт1уз эвиснавай ч1улав ч1арар, атир хьтин
Шагьвардивди къугъваз ава, вичизни гьич таяр хьанач.
Кьадарсуз я гуьрчеквални, мез кьурана, лал хьана зун,
Хиялари ч1угваз шикил, хурал са гьейкал хьана зун,
Кхьиз тежез сунадикай, жизви-усал ч1ал хьана зун.
Икьвадар куз-хъукъваз хьайла, захъни бегьем гьунар хьанач.
Гъил къачу варз
© Copyright: Магомед Мирзоев Мирзой, 2025
Свидетельство о публикации №125102307926
Свидетельство о публикации №125102307926
Рецензии