Халкьдин патай хьанва къе ваз еке тир гьуьрмет,
Женнет хьурай бубадизни дидедиз кьисмет.
Ви гьар ктаб чи несилриз хьанва са девлет,
Ставропольдин ашукь Мирзой – Хуьруьг Мугьаммед!
Яшайишни физват1ани хуьруькай яргъа,
Ставраполь шегьердава, урусрин юкьва,
Дидедин ч1ал хуьзва вуна рик1ивай мукьва,
Ставропольдин ашукь Мирзой – Хуьруьг Мугьаммед!
Гьар са шиир, гьар келима ширин я гьелбет,
Рик1ин фикир хуьруьн диб хьиз дерин я гьелбет,
Руьгьдин зигьин экуь нур хьиз йигин я гьелбет,
Ставропольдин ашукь Мирзой - Хуьруьг Мугьаммед!
Мубаракрай хьанавай кьван яшарни ваз къе,
Вун сагъламдиз хьуй гьамиша хзандин кьиле,
Мурадарни кьилиз фирай авай ви рик1е,
Ставропольдин ашукь Мирзой – Хуьруьг Мугьаммед!
Секина. Хуьруьг Мугьаммед
© Copyright: Магомед Мирзоев Мирзой, 2025
Свидетельство о публикации №125102307000
Свидетельство о публикации №125102307000
Рецензии