Вёска, дзе няма святла
ўночы лічыць зоркі.
Дуб стары, нібы святар,
Моліцца ля горкі.
Апусцелыя дамы
Больш людзей не ўгледзяць.
Вёска ёсць, вось толькі мы
З вёскі ў горад едзем.
Перацягваюць людзей
Гарадскія гмахі.
Вёска свой чакае дзень --
З ёй спяваюць птахі.
Дайце ёй крыху пажыць,
Дайце ёй надзеі,
Каб вясковы дух ажыў,
Галасы гудзелі.
Вёска без святла
© Copyright: Валерий Познякевич, 2025
Свидетельство о публикации №125102305371
Свидетельство о публикации №125102305371
Рецензии