ЧИ БУБАЙРИЗ
Чи бубайрин пак бинедал,
Ватан лугьуз за дамахда.
Заз жагъайкьван бахт дуьньядал
За квез виридаз апайда
Къизил лугьуз гьа чилериз,
Камар вегьей чи бубайри,
Ван атайди хьиз эвериз,
Гьай лугьуда заз дагълари.
Дерин сурар ама ана
Чи гъалибрин, чанар гайи,
Тадивилерини кана,
Ч1ехи дуьньяни дар хьайи.
Амайди я ванер гьана,
Дагъди синел рахайбурун.
- Килиг! Зи ц1егь аван гьана? -
Ван хьайид я лагьайбурун.
И дагъдилай а дагъдалди,
Рехъ жагъуриз алахъайбур,
Чипин чандин зегьметдалди,
Четин крар алакьайбур.
Гьайиф я заз вахтар фейи,
Фикир хьана рик1ер кайи,
Хьурер хьайи, к1валер хьайи,
Лезги намус вине хвейи.
Стихи на родном лезгинском языке
© Copyright: Сельмина Курабекова, 2025
Свидетельство о публикации №125102208266
Свидетельство о публикации №125102208266
Рецензии