Иях1 намусалъул къадру ц1унарав,
Къо ккараб бак1алда бахъун рух1 кьолев.
Г1аданлъиялъул чин бидулъ бессарав,
Мун Якъубовазулъ т1аса вищарав!
Инсул Ват1ан ц1унун ц1адай к1анц1улев,
Аза-азар г1ейги мун г1адал васал.
Г1умро бичаниги ях1 бичуларел,
Г1олохъабаз ц1еги дур Къах1иб росу!
Рек1елъ къвак1и бугев къадруяв Загьид,
Къадру дур бащадал г1емерал гьеч1о.
Къот1уй хилиплъич1ев раг1уй хисич1ев,
Хвезег1ан мун гурищ нижее ч1ух1и.
Якъубов Мух1амадзагьидиде
© Copyright: Аминат Максудова, 2025
Свидетельство о публикации №125102108067
Свидетельство о публикации №125102108067
Рецензии