Мад авачни залай са кас, дуьньяда бей-чара хьайи,
Ви акунрин гуьзелвили суьгьуьриз, зилкъара хьайи,
Хуш яни ваз зи рик1ин агь, ашкъидикай къаза хьайи?
Ваз такурай, азизди, к1вал, деврандикай суза хьайи!
Кемендив хьиз ялиз жувал, фикир ая зи чандикай,
Минет я ваз, багьа инсан, хкудур зун лишандикай.
Ви мурадрин сан пара я, дуст хьана заз гьижрандикай,
Язух шей ваз чарадан гьал, чара тахьай лукьмандикай.
Гьуьлер хьайи гьисерикай, азизди, низ бахт акуна?
Ви регьимдин гуьзелвилиз, килигай заз тахт акуна.
Ви п1узаррин сефилвили зи рик1 къеняй акъудзава,
Перишандиз акурлай хъвер, дерин фуруз авудзава.
Гъам к1евириз хушуналди, гьейранди заз эверзава,
Рехъ такуна, лувараллаз за ви кьиливди зверзава.
Бахтлубурун бахт пара я, кайибуру хъуьрерзава,
Ашкъидикай чара акваз, зун гьижрандин сеферзава.
Мад авачни залай са кас
© Copyright: Магомед Мирзоев Мирзой, 2025
Свидетельство о публикации №125101807903
Свидетельство о публикации №125101807903
Рецензии