Аб слова можна параніцца,
Словам можна забіць.
Са словам можна параіцца
І праўду жыцця здабыць.
Калі твае вочы шчырыя --
У іх укладзі настрой.
Бо словы жывуць з Айчынаю,
Нібы родны брат з сястрой.
Я словамі думкі лекую,
Чытаю малітвы ўслых.
Бо словы нЯсуць малекулы,
Што маюць працяг вясны.
Яны нашых губ кранаюцца
І з вуснаў п'юць спелы мёд.
Ад слова квітнее раніца
І плавіцца тоўсты лёд.
Шаную я словы родныя --
У іх ёсць жыцця працяг.
Калі Вы са мною згодныя --
Пашыйце са словаў сцяг.
Сэнс слова
© Copyright: Валерий Познякевич, 2025
Свидетельство о публикации №125101606629
Свидетельство о публикации №125101606629
Рецензии