"Къач!"- деселе да, - къачалмайма:
Кёрюрюм келеди алтын чачынгы.
Кёзюмю къаматады (ачалмайма)
Айбат сыфаты тамаша къачымы.
Алтын-джаулугъунг, багъырдан- этегинг,
Къызыл накъутдан тюймеле тёшюнгде
Джанкъылыч бетли хар бир джетегинг -
Тюшгенча болуб, таурухха тюшюмде.
Чакъырады дерсге биринчи къонгурау-
Аны бла бирге къач алды сёзню.
Къышны саламын келтирсе да кърау,
Ариу тюрсюнюнг алдайды кёзню
Къач
© Copyright: Мёлек Хубий, 2025
Свидетельство о публикации №125101605899
Свидетельство о публикации №125101605899
Рецензии