Жывучае насенне злое –
Наклікае нямала бед.
Навошта варушыць былое?
Яго прастыў, прапаў знак-след.
Не трэба песціць жалем ноту,
Забыць пра гэта рамяство.
Навошта падымаць бядоту?
Даўно быллём пазарасло.
Падмана словы – не ласункі,
Не ўтрымаць гарачых слёз.
Навошта ж парушаць стасункі?
Уводзіць жах – афіцыёз?
Плясці нядобрым чынам сеці,
Ды ў іх прапасці лёгка ўсім.
Навошта сеяць зло на свеце?
Спяваць нягодам палкі гімн.
Жывучае насенне злое,
Прыроды кепскае звяно.
Навошта варушыць былое?
Назад не вернецца яно...
Жывучае насенне
© Copyright: Татьяна Цыркунова, 2025
Свидетельство о публикации №125101401457
Свидетельство о публикации №125101401457
Рецензии