Ахцегьа шад сувар ава,
Аграномрин гьунар ава.
Руьгьдин экуь нурар авай,
Гьар са рик1е гатфар ава!
Диде чили ачухна гъил,
Шадарнава элдин гуьгьуьл.
Атир галай элкъуьрдай кьил,
Ичерин хуш шагьвар ава!
Жергедавай къушар хьтин,
Мехъерик квай рушар хьтин,
К1ани ярдиз ухшар хьтин,
Зулун гуьрчек рангар ава!
Рагъ хьиз хъипи, къацу, яру,
Шалбуз дагъдин къвед хьиз ц1ару,
Дадуниз чеб ширин дадлу,
Гьар бахчада гьамбар ава!
Шарвили къекъвей багълара,
Бубайри цанвай тарарал,
Къе виридаз чеб ашкара,
Берекетдин йикъар ава!
Секина. ахцегьрин ичер
© Copyright: Магомед Мирзоев Мирзой, 2025
Свидетельство о публикации №125101307636
Свидетельство о публикации №125101307636
Рецензии