Гораду Жодзiна
Адзін ён такі на планеце –
Квітнець яму шмат вякоў!
Мой горад праменьчыкам свеціць
Машынабудаўнікоў!
Завод – наш сапраўдны асілак!
Ён працай жыве штогод.
“БелАЗ” – гэта гонар і сіла –
Дзяржавы маёй аплот!
Жывуць тут руплівыя людзі:
У душах нясуць святло,
Працуюць, натхняюцца, любяць –
І гэтак заўжды было!
Мой горад расце, прыгажэе,
Шчабеча вакол дзятва,
Красуюць будынкі, алеі,
Ласкава глядзіць царква.
Тут зоркі гараць над Плісою –
Дзяцінства майго ракой,
Нібыта гамоняць са мною,
Душы надаюць спакой.
Зялёны, утульны, квяцісты
І родны ён мне такі!
Пад сонцам жывым, прамяністым
Ён будзе стаяць вякі!
© Copyright: Зинаида Богомолова, 2025
Свидетельство о публикации №125101203549
Свидетельство о публикации №125101203549
Рецензии
