Край мой родны! Праслаўлены Богам,
Колькі ты перажыў на вяку…
Не зрабіў ты благога нічога,
Добры шлях я табе прадраку.
Край мой родны! Заўсёды сапраўдны,
Шмат бяды перанёс, перамог.
Ты – прыхільнік пякучае праўды,
Ты – паборнік праўдзівых дарог.
Край мой родны! Не надта багаты…
Толькі шчодрасць ад сэрца ідзе…
Вёскі мілыя, бедныя хаты –
Дапаможнікі людзям ў бядзе.
Край мой родны! Пакутаваў многа,
Ды дарога прамая вяла.
Разумею: наўпрост шлях да Бога,
Хоць завея чужая мяла.
Край мой родны! Адзіны ў свеце…
Ты прайшоў цераз боль, цераз мрок.
Даражэйшы за ўсіх на планеце…
Я радкамі сплятаю вянок.
Край мой родны!
© Copyright: Татьяна Цыркунова, 2025
Свидетельство о публикации №125100201775
Свидетельство о публикации №125100201775
Рецензии