Куплет 1:
Буслы заужды вяртаюцца да дому,
Так вабіць іх прыгожы родны край.
І я цябе чакаць не перастану,
Ты да мяне вяртацца абяцай.
Магчыма у баку такім далекім
Сумуюць па радзіме усе буслы,
І лічаць у небе шэрым і глыбокім
Дні чорна-белай адзіноты да вясны.
Прыпеу:
Час не марнуй, цуд не чакай,
У родны мой вырай ты прылятай.
Вяртайся хутчэй, як буслы у свой край.
Сваімі крыламі мяне абдымай.
Куплет 2:
І па начах ім сніцца клін у небе,
Вяртанне у гняздо, малінавы закат,
І каласы, што апасля у хлебе,
І навальніцы чэрвеньскай раскат.
А у тваіх снах прыходзяць маці рукі,
І смак маліны на маіх вуснах.
І клёката буслоу над галавою гукі,
І дома роднага такі прыемны пах.
BYслы
© Copyright: Анастасия Бояркина, 2025
Свидетельство о публикации №125092905157
Свидетельство о публикации №125092905157
Рецензии