Мадина

Куьлуь-куьлуь камар вигьиз, атай ч1авуз
мядендиз,
Дурна хьтин лув ахъайиз, элкъвезава
кьет1ендиз.
Ви гьар са кам чешне язва халис, гуьзел
кетендин.
Вун дагълара билбил ят1а, марал я вун
дуьзендин.

Къенин югъ ваз мубаракрай, Мадина!
Бахтлу хьурай азиз бала, Мадина!
Мурадар ви кьилиз фирай, Мадина!
Чи к1ани, чи ширин бала Мадина!

Вун бубадин хиялар я, якъут,
лали-гевгьер я.
Вун дидедин экуьн сегьер, къизилгуьлдин
цуьквер я,
Ви гьар к1валах, гьар са уюн ажеб хъсан,
иер я,
Вун ашукьдин мецел алай бендерин
са бегьер я.

Къенин югъ ваз мубаракрай, Мадина!
Бахтлу хьурай азиз бала, Мадина!
Мурадар ви кьилиз фирай, Мадина!
Чи к1ани, чи ширин бала Мадина!

Гьар са карда вун гьамиша, аслан хьтин,
зирек я!
Шукур Аллагь, гайибуруз вижевай са
куьмек я!
Гьар са к1вале, мектебдани кьизилдин
са безек я!
Азиз бала, вун чи к1валин мягькем, к1еви
дестек я!

Къенин югъ ваз мубаракрай, Мадина!
Бахтлу хьурай азиз бала, Мадина!
Мурадар ви кьилиз фирай, Мадина!
Чи к1ани, чи ширин бала Мадина!