Каспий гьуьлуьн гуьзелвал квез,
Гьик1 къалурин гафаралди,,
Лепеярни рахазва къвез,,
Гьар миллетдин ч1аларалди!
Ви хиялар тухуз яргъаз,
Гуьгьуьларни секинарда.
Назик шагьвар руьгьдив къугъваз,
Кузвай рик1из серинарда!
Экъеч1да рагъ экуьн сегьер,
Муьгьуьббатдин ялав хьтин. Гьуьл аквада якъин иер,
Ганвай къизил къилав хьтин!
Гьикьван вац1ар гьар уьлкведин,
Авазар гваз авахьзава.
Балаяр хьиз са дидедин
Каспиди чеб къужахзава !
Сефидруд, Уллучай,Кума,
Сулак,Самур,Волга,Артек.
Деврагчайни Горган ,Кура,
Рубас,Урал, Эмба,Терек !
Яд атана гъилиз ст1ал ,
Чи дередай атанавай.
Рахазва зав дидед ч1алал,
Ватандикай ч1аганавай !
Секина Абдулжалилова
Каспий гьуьл. Секина
© Copyright: Магомед Мирзоев Мирзой, 2025
Свидетельство о публикации №125091904736
Свидетельство о публикации №125091904736
Рецензии