Бай меним ногай тилим,
Аьдет-йол берген ол мага.
Аьр соьзи алтын давысым,
Карзына болган ол мага.
Суьйешь сен ана тилинъди,
Ата-анады сыйлагандай.
Эске алып ногай соьзинъди,
Йигерли айташ йырлагандай.
Оьмирлерден калган тилим,
Халкымды байыткан сенсин.
Йырлар занъыраткан халкым,
Юректе баткан соьзлеримсин.
Айлак бай ногай халк соьзлиги,
Ахыр-туьрли, шебер тилим.
Хабар айтып айкас сен иним,
Ногай арасында сага тилегим.
Ян-яктан алма янъы аьдетлер,
Ногай аьдетин сен эш мутып.
Болмаганды якпа сен яс аьвлет,
Ата-анады корлагалндай тутып.
Соьйлетагы сен ногай тилинде,
Занъыратып халкты каратып.
Озганларды тек сукландырып,
Оьктем халк арасында болып!
Тилим меним
© Copyright: Альберт Тамакаев, 2025
Свидетельство о публикации №125091305191
Свидетельство о публикации №125091305191
Рецензии