ЗИ ВАХАР.
Гайи гайи гайи,
Са бахт заз гайи,
Зи багьа тир вахар,
Зи вахар, зи вахар.
Зал аманат хьайи,
Вахар я заз гайи,
Заз багьа тир вахар,
Зи рик1 алай вахар.
Вахар я, вахар я,
Заз авай лувар я,
Ават1а квез вахар,
Уьмуьр я бахтавар.
Вахариз, вахариз
Заз авай лувариз,
Шадвал гурай рик1ин,
Уьмуьр хьурай ширин.
Вахар, вахар хайи,
Аллагьди заз гайи,
Уьмуьрдин эквер я,
Са гьарай, эвер я.
Дар жеда зи рик1 дар.
Галачиз зи вахар,
Хьайила шад хабар,
Акатда зак лувар.
Мехъерар хьайила,
Са шадвал гайила,
Вахар вири сад яз
К1вачел жеда шад яз.
Вахар зи девлет я,
Авай са адет я,-
Къакъудиз тежедай,
Акурла хъуьредай....
Песню на эти слова исполняет группа МИРЕС. Каждая песня в исполнении МАГИЗАР АЛИЕВОЙ становится хитом лезгинской эстрады и её поют все.
Зи вахар
© Copyright: Сельмина Курабекова, 2025
Свидетельство о публикации №125090600077
Свидетельство о публикации №125090600077
Рецензии