***
Шчыраму знаёмаму
Ігару Генадзьевічу Шадскаму
Нам пра якасць нашу баюць,
Што яна – нібыта сон!
Самі ж толькі і купляюць
Дабраякасны хамон.
Любяць той хамон ябацькі!
Пасаромеліся б, мо?
Як казаў мне Ігар Шадскі:
"Што заробім, то й ямо".
А яны ядуць хамоны,
Не зважаюць на народ.
Што ж, як лёс такі ягоны:
Есць, што дасць яму гарод –
Агуркі, капусту, бульбу.
Купіць зрэдку сала шмат
І дае хамону дулю,
Ці загне, бывае, й мат.
А яны жаруць хамон той
Ды, каб бачылі ж усе,
Выкладаюць смак ягоны
У сацсеткі пакрысе.
А калі ты не багаты,
Не гішпанец, дык гамон!
Бульбу сей тады ля хаты
І забудзься пра хамон...
01. 09. 2025 г.
Нам пра якасць нашу баюць...
© Copyright: Юрий Боровицкий, 2025
Свидетельство о публикации №125090102290
Свидетельство о публикации №125090102290
Рецензии