Шехьиз жемир текдиз к1вале,
Гьатнава са зун ви рик1е,
Зунни ава текдиз к1вале,
Ийимир шел, жедай гьелек.
Шехьмир, зи яр,язух я ви,
Вун рик1ел къвез, ргазва иви.
Белки чунни жеда кьисмет,
Вилер кумир,ваз я минет.
Дерин ашкъи гьатна чанда,
Туькьуьлвилер тергна к1анда.
Са гъед ава цавун тагъда.
Гьада гиссер чими сагъда.
Вун захъ агъугъ, сад жеда чун,
Къастар садна,шад жеда чун,
Ви вилерай алем акваз,
Къведа,яр, зун ви ашкъи хъваз.
Чизва заз ви фикир чакай,
Чуьнуьхдач зи ашкъи вакай,
К1анда заз вун,яр, гатфар хьиз,
Муьгьуьббатдин хуш гафар хьиз.
Шехьиз жемир текдиз к1вале,
Гьатнава тек вун зи рик1е,
Сад хьайила сирер,рик1ер,
Сад жеда чи кьисмет, рекьер.
28.08.2025.
Шехьиз жемир
© Copyright: Нажмудин Шихнабиев 2, 2025
Свидетельство о публикации №125082807863
Свидетельство о публикации №125082807863
Рецензии