Жыцця майго асновы

ЖЫЦЦЯ МАЙГО АСНОВЫ
леанід ПРАНЧАК

Чыстае неба,
Жытні смак хлеба,
Любага краю спакой…
Далі-прасторы,
Рэкі-азёры, –
Наша Радзіма з табой.

Тое, што маем,
Шчыра кахаем
І ад нягод беражом:
Пушчы і гаці,
Бацьку і маці,
Родную хату і дом.

Сяброўства, еднасць і любоў –
Жыцця майго асновы.
Няма мацней ад гэтых слоў.
Свет жорсткі і суровы.
З былых часоў спакон вякоў
Адно нам сонца свеціць.
Сяброўства, еднасць і любоў –
Трымаюць нас на свеце!

Мужнасць і воля,
Шчасце і доля
Трэба і мне і табе,
Каб не трымцела
Знічкаю вера,
Каб не нудзіцца ў жальбе.

З сонца усходам,
З Богам, з народам
Разам насустрач вятрам.
Сэрцам малюся:
Мір – Беларусі,
Сёстрам маім і братам!

Сяброўства, еднасць і любоў –
Жыцця майго асновы.
Няма мацней ад гэтых слоў.
Свет жорсткі і суровы.
З былых часоў спакон вякоў
Адно нам сонца свеціць.
Сяброўства, еднасць і любоў –
Трымаюць нас на свеце!

22.08.2024
22.08.2025

P.S.
Публічнае выкананне і распаўсюджванне
тэксту ЖЫЦЦЯ МАЙГО АСНОВЫ
толькі з дазволу Аўтара.