Мокне сподак у бруднай рацэ,
Стыне ў кубку на донцы гарбата,
Цыгарэта захрасла ў руцэ
І у пачку зусім небагата...
А у вокнах шалёны дождж,
Гэта лета патрэбна выкрыць!
Бо яно не прыходзіць больш,
Слёзы з шыбаў ніхто не вытра...
Ступакі мае - ледзяшы,
Ногі - вата, а рукі - гіры,
Пальцы выслізнуць з калашын
І завязнуць ў кватэрным пыле.
Засяродзіцца зрок на тым
Што патрэбна зрабіць іначай,
Толькі мы вылучаем дым
Ўжо калі пагарэльцы плачуць...
Асалода халодных дзён:
Пацалунак ў гарачым кубку,
Поўсць калючая бы асцё
І крумкач, што у шыбу грукнуў...
Задаволены час бяжыць,
Запаволены я лунаю,
На павеках маіх глыжы
І узняць іх я сіл не маю...
Мокне сподак у бруднай рацэ...
© Copyright: Василь Гардзиенак, 2025
Свидетельство о публикации №125081808016
Свидетельство о публикации №125081808016
Рецензии