Чэрвень -- месяц пахкіх кветак
І спадзеваў цэлы мех.
Асалод, птушыных спеваў...
Маладосці льецца смех.
Пунсавеюць скрозь суніцы.
Золак чырванню гарыць.
Падрастаюць бусляняты...
Хутка летні час ляціць.
Ліпень водарам пітае,
Карагодам пчол гудзе.
Парасонамі паўстане
Папараць людскіх надзей.
Лашчыць подыхам вятрыска.
Над азёрамі смуга...
А ў палях валошак сінню
Разліваецца рака.
Жнівень -- месяц зарападаў,
Сакавітых кавуноў.
Позірк смутку-развітанняў
У вандроўнікаў-буслоў.
"Гэй! Бывай, буслянка-хата,
Край блакітнай даўніны.
Кліча вырай нас упарта
Да чужыннае зямлі".
15--16.08.2025
Летнi час
© Copyright: Лариса Демиденко 3, 2025
Свидетельство о публикации №125081604585
Свидетельство о публикации №125081604585
Рецензии
Летні час хутка пралятае на крылах буслоў. Чытайце мой верш, пачуйце развітальную мелодыю лета.
Лариса Демиденко 3 16.08.2025 17:17 • Заявить о нарушении
Лариса Демиденко 3 16.08.2025 17:17 • Заявить о нарушении