ЧИ ГУЬЗЕЛ ЦАВАР
Зи рик1е ава са фикир,
Жаваб ават1а чин тийир,
Дуьньядин хьайила эхир,
Чи гуьзел цавар низ жеда?
Дидедиз аялар вичин,
Вирт1едилайни я ширин,
Уьмуьр хьайила лап четин,
Чи гуьзел цавар низ жеда?
Вилериз къалура лугьуз,
Гьарайда за мензил ат1уз,
Са суал жеда рик1е куз -
Чи гуьзел цавар низ жеда?
Сефил хьана ава зи гьал,
Рик1ени, чуьнюх хьана, т1ал,
Зи чанда ава са суал.
Чи гуьзел цавар низ жеда?
Илигна чилер ава куз,
Душманар терг ийин лугьуз,
Жегьил чанар вегьейла ц1уз,
Чи гуьзел цавар низ жеда.
К1анивиликай зи ч1алар,
За квез багъишда жегьилар,
Квез тахьайла ч1ехи бахтар,.
Чи гуьзел цавар низ жеда.
Песню исполняет певица Марта.
Чи гуьзел цавар
© Copyright: Селминат Курабекова, 2025
Свидетельство о публикации №125080805887
Свидетельство о публикации №125080805887
Рецензии