Бералги дур руго мунги дой йиго,
Г1емер хисун йиго цееялдаса.
Заман ананиги г1уж ананиги,
Мун кидаго г1адин т1егьале йиго!
Дида гьаб жакъаги рак1алда буго,
Т1оцебесеб рокьи духъ ккараб заман!
Рокъор ругездаса балъгоги вахъун,
Сардилъ дица духъе кагъат хъвараб мех.
Дур хъах1аб гьумерги г1урчин бералги,
Г1олилал ясазулъ дур бук1араб сси,
Дир кверзукьа кагъат босулеб мехалъ,
Г1исинккун соролеб гьит1инаб кверги.
***
© Copyright: Аминат Максудова, 2025
Свидетельство о публикации №125072905907
Свидетельство о публикации №125072905907
Рецензии