Калі пішу па-беларуску --
Шукаю сэнс у кожным слове,
Што адшукаў калісьці ў Глуску,
Або пачуў у родным Шклове.
Калі пішу па-беларуску --
Зямлі сваёй дыханне чую.
Трымаю ворагаў на спуску,
Што не жывуць тут, а начуюць.
Калі пішу па-беларуску --
Праз сэрца словы прапускаю.
Іду да хаты сцежкай вузкай
І ганаруся родным краем.
Калі пішу па-беларуску --
Нясу сваёй Радзімы гонар
За слова, што жыло ў Бабруйску
І слова, што гучала звонам.
Калi пiшу па-беларуску
© Copyright: Валерий Познякевич, 2025
Свидетельство о публикации №125072805560
Свидетельство о публикации №125072805560
Рецензии