Карачаево-Балкарский язык
Танг атарны аллы бла,
Мен къыблагъа къарайма,
Уллу Аллахны кесинден,
Тилек тилеб башлайма.
Дуния юсюнде игиликлени,
Сенге теджеб алгъышлайма.
Таза джюрекни саламын,
Джан бийчеме ашырама.
Чууакъ кекню, эртденнгиде,
Къарылгъач джырыб учады.
Таудан ургъан аязчыкъ,
Таза хауа бла солутады.
Акътёш, ариу къанатлыгъа,
Сеннге ушатыб къарайма.
Эртденнги аязчыкъгъа,
Ауазынг деб, тынгылайма.
Джарыкъ тангны сейир нёрюн,
Ушатама чырайынга сени
Кёз къарамынг, субай санынг,
Къоратханла эсими мени.
Рахат тургъан джюрегими,
Кёрюннгенлей, къозгъагъанса.
Дэбетни* темир отуну,
Ичине салыб джандыргъанса.
Тынчлыкъ табмай саныма,
Джашайма сенсиз, дунияда.
Дарман болуб, джаныма,
Келир насыб – Сен! Къайда?..
Танг атарны аллы бла
© Copyright: Магомед Боташев, 2025
Свидетельство о публикации №125072303547
Свидетельство о публикации №125072303547
Рецензии