Вун вилив хуьз галатдач зун,
Зи фикирдай акъатдач вун.
Зи рикIин тIал агъур я къе,
Лап цIигел я вахъ, зи Диде.
Низ гьарайин, низ ахъайин,
Дердер-гъамар къене авай?
Чан зи чирагъ, вилерин нур,
Ваз ахъайдай сирер амай…
Лай-лай ягъай ви ширин сес
Исятда хьиз япара ама.
Вун амач захъ и дуьньяда,
Верхик дагъда жив къвазва.
Гьа дагъларин кьакьан синер,
КIани яр вун къекъвей гелер…
Ваз женнетдин багъ кьисмет хьуй,
Я Сад Аллагь, я Эренлер!
Дидедиз, Зи фикирдай акъатдач вун
© Copyright: Зубера Гамзатова, 2025
Свидетельство о публикации №125071804169
Свидетельство о публикации №125071804169
Рецензии