Царь Давид кафизма 17 псалом 118

Призри на мя и помилуй мя, по суду
любящих имя Твое. Стопы моя направи
по словеси Твоему, и да не обладает
мною всякое беззаконие. Избави мя от
клеветы человеческия, и сохраню запо-
веди Твоя. Лице Твое просвети на раба
Твоего и научи мя оправданиям Твоим.
Исходища водная изведосте очи мои:
понеже не сохраних закона Твоего. Пра-
веден еси, Господи, и прави суди Твои.
Заповедал еси правду свидения Твоя, и
истину зело. Истаяла мя есть ревность
Твоя, яко забыша словеса Твоя врази мои.
Разжжено слово Твое зело, и раб Твой воз-
люби е. Юнейший аз есмь и уничижен: оправ-
даний Твоих не забых. Правда Твоя правда во
век, и закон Твой истина. Скорби и нужды
обретоша мя, заповеди Твоя поучение мое.
Правда свидения Твоя в век, вразуми мя, и
жив буду. Воззвах всем сердцем моим, услыши
мя, Господи, оправдания Твоя взыщу. Воззвах
Ти, спаси мя, и сохраню свидения Твоя. Предварих
в безгодии и воззвах, на словеса Твоя уповах.
Предваристе очи мои ко утру, поучитися словесем
Твоим. Глас мой услыши, Господи, по милости Твоей:
по судьбе Твоей живи мя. Приближишася гонящии мя
беззаконием, от закона же Твоего удалишася. Близ
еси Ты, Господи, и вси путие Твои истина. Исперва
познах от свидений Твоих, яко в век основал я еси.
Виждь смирение мое, и изми мя, яко закона Твоего не
забых. Суди суд мой и избави мя, словесе ради Твоего
живи мя. Далече от грешник спасение, яко оправданий
Твоих не взыскаша. Щедроты Твоя многи, Господи, по судь-
бе Твоей живи мя. Мнози изгонящии мя и стужающии ми, от
от свидений Твоих не уклонихся. Видех неразумевающия и
истаях, яко словес Твоих не сохраниша. Виждь, яко заповеди
Твоя возлюбих, Господи, по милости Твоей живи мя. Начало
словес Твоих истина, и во век вся судьбы правды Твоея.
Князи погнаша мя туне, и от словес Твоих убояся сердце мое.
Возрадуюся аз о словесех Твоих, яко обретаяй корысть многу.
Неправду возненавидех и омерзих, закон же Твой возлюбих.
Седмерицею днем хвалих Тя о судьбы правды Твоея. Мир мног
любящим закон Твой, и несть им соблазна. Чаях спасения Твоего,
Господи, и заповеди Твоя возлюбих. Сохрани душа моя свидения Твоя,
и возлюби я зело. Сохраних заповеди Твоя, и сведения Твоя, яко
вси путие мои пред Тобою, Господи. Да приближится моление мое
пред Тя, Господи, по словеси Твоему вразуми мя. Отрыгнут устне
мои пение, егда научиши мя оправданиям Твоим. Провещает язык
мой словеса Твоя, яко вся заповеди Твоя правда. Да будет рука Твоя
еже спасти мя, яко заповеди Твоя изволих. Возжелах спасение Твое,
Господи, и закон Твой поучение мое есть. Жива будет душа моя и
восхвалит Тя, и судьбы Твоя помогут мне. Заблудих, яко овча
погибшее: взыщи раба Твоего, яко заповедей Твоих не забых.

        Слава Отцу и Сыну и Святому Духу и нане,
        и присно, и во веки веков! Аминь.