Кьаз жедани ц1укар гине?
Мез лал хьана, югъваз чене,
Лугьуз тежез, дердер къене
ргазва.
Винел акъуд тийиз за гъам,
Хелвет к1вале хьайи макъам,
Ст1ал-ст1ал авахьиз, шам
ц1разва.
Къадир авач “гьай” лагьайдан,
К1вач кузава, “ц1ай” лагьайдан.
Зи сабурдин къулал къажгъан
ргазва.
Фикир ийиз аялрикай,
Дуьзенрикай, хъут1алрикай,
За халича хиялрикай
хразва.
Кьаз жедани ц1укар гине
© Copyright: Тамила Хуршидова Салманова, 2025
Свидетельство о публикации №125071205821
Свидетельство о публикации №125071205821
Рецензии