Ви ният геж кьат1ана,
Зун фикирдал атана.
Шагьвар авай дат1ана,
Вун баябан чуьл яни?
Аватнамаз ахварай,
Зун акъудиз къапарай,
Рахаз жеда «цаварай»,
Таравай билбил яни?
Зун авайди кьере я,
Гуя, къумад тепе я.
Ракъуриз зал лепеяр,
Гьакьван пехъи гьуьл яни?
Зи гъавурда такьазвай,
Сив алачиз рахазвай,
Авур крар таквазвай,
Кьве вил буьркьуь гъуьл яни?
Шеле к1ват1из шакунал,
Вил алай хьиз акунал,
Зун кт1униз хакунал,
Тарагъаждин ц1ил яни?
Циф акьалтда вилерал,
Ц1ай кьаз кьец1ил гъилерал,
Алайди ви къуьнерал,
Буран яни, кьил яни?
***
© Copyright: Тамила Хуршидова Салманова, 2025
Свидетельство о публикации №125071205793
Свидетельство о публикации №125071205793
Рецензии