Зи гьиссериз хьайи шерик,
Дуст-къелемдиз гана за рикI.
Пис фикиррин хьанач есир,
За чарариз ахъайна сир.
Къелем хьана стха-даях,
Чарчикайни кьуна за вах.
И пак кьве затI, квачир гунагь,
Уьмуьрда заз хьана панагь.
Вуж захъ галаз хьайтIа рафтар,
За ахъайда жуван дафтар,
Дустариз я зи алхишар,
Зи теснифар – зи багъишар.
КIан хьайитIа хаз зи хатур,
Чар къалхан я, къелемни тур.
Вуж рахайтIа чIуруз, нагьахъ,
Зи цIарарай хкисда гьахъ.
Чар къалхан я, къелемни тур
© Copyright: Тамила Хуршидова Салманова, 2025
Свидетельство о публикации №125071205758
Свидетельство о публикации №125071205758
Рецензии