Къелетна

Са касди заз туьгьметна,
Мез хуьз хьанач, къелетна:
– Аквазвач чун виле ваз,
Къекъвезва кьил виневаз.
– Лугьузва за це заз яб,
Ихьтинди я зи жаваб:
Зи кьил хьуниз вине, дуст,
Авайди я бине, дуст.
Дагъдин хуьре хана зун,
Суван гене хьана зун.
Ахъайнамаз за вилер,
Акурди я тик синер.
Жуван сифте къадамар,
Дидед ягъиз макьамар,
Ам шад авур легьзеяр!
К1вачикна за мезреяр.
Дагъдин хурай яд хъвана,
Хайи чилин дад хъвана!
Гьана буба-дидеди,
Тербия яз эбеди,
Чирна фуъ нез гьалалдин.
Рахаз лезги ч1алалди.
Ават1ани аранда,
Кьил винева – кьакьанда.
Зун дагъларихъ къаних я,
Им лекьерин къилих я!

***Са касди заз туьгьметна,
Мез хуьз хьанач, къелетна:
– Аквазвач чун виле ваз,
Къекъвезва кьил виневаз.
– Лугьузва за це заз яб,
Ихьтинди я зи жаваб:
Зи кьил хьуниз вине, дуст,
Авайди я бине, дуст.
Дагъдин хуьре хана зун,
Суван гене хьана зун.
Ахъайнамаз за вилер,
Акурди я тик синер.
Жуван сифте къадамар,
Дидед ягъиз макьамар,
Ам шад авур легьзеяр!
К1вачикна за мезреяр.
Дагъдин хурай йад хъвана,
Хайи чилин дад хъвана!
Гьана буба-дидеди,
Тербия яз эбеди,
Чирна фуъ нез гьалалдин.
Рахаз лезги ч1алалди.
Ават1ани аранда,
Кьил винева – кьакьанда.
Зун дагъларихъ къаних я,
Им лекьерин къилих я!