Хва хтанва армидай, бахтлу я диде.
Акъатна вахт ахвар хьиз, алатна вяде.
Бурж вахгана ватандин, хтанва къе ам.
Шад я диде кьадарсуз, туькъуьннавай гъам.
Хтана ам варцелла, гъилер туш ич1и,
Са к1унч1 цуьквер дидедиз, сад вахаз гъвеч1и.
Шад я диде, шадвиляй кьеженва вилер,
К1ват1 хьанава багърияр, хва хтай сефер.
А чаз акур жаван туш, хьанва жанлу кас,
Чуру-спел атанва, ч1ав я гъидай свас!
Яраб хвадин кьисметда гьи руш ават1а,
Яраб ваха лагьайдаз акси жедат1а?
Мукьвабурун вил ала къурмишнал мехъер,
Хуррам гурлу демер хьун, манияр, кьуьлер.
Жегьиларни бахтлу яз, кутан ц1ийи хзан,
Сад садал хуп1 ашукь яз,чебни жен хъсан.
Хва хтанва армидай
© Copyright: Тамила Хуршидова Салманова, 2025
Свидетельство о публикации №125071205707
Свидетельство о публикации №125071205707
Рецензии